மேசியா என்பவர் சாலொமோன் வழியாகத்தான் வர வேண்டுமா?

                

          மேசியா என்பவர் இரத்த சம்பந்தமுடைய தன் தந்தையின் வழியாக வந்தவராக இருக்க வேண்டும்.அவர் தனது தந்தையின் அரியாசனத்தில் உரிமையுடன் அமருவார்.இவைகளை பைபிள் நமக்கு கூறுகிறது.கடவுள் நமக்கு உறுதியளித்துள்ள இந்த மேசியா நேரடியாக தாவீதின் சந்ததியிலிருந்து மட்டும் வரவேண்டியதாக இருக்க வில்லை,

17.இஸ்ரவேல் வம்சத்தின் சிங்காசனத்தின்மேல் உட்காரத்தக்க புருஷன் தாவீதுக்கு இல்லாமற்போவதில்லை.

18. தகனபலியிட்டு, போஜனபலிசெலுத்தி, நாள்தோறும் பலியிடும் புருஷன் எனக்கு முன்பாக ஆசாரியருக்கும் லேவியருக்கும் இல்லாமற்போவதுமில்லை என்று கர்த்தர் சொல்லுகிறார் என்றார்.

19. பின்னும் எரேமியாவுக்குக் கர்த்தருடைய வார்த்தை உண்டாகி, அவர்:

20. குறித்த தேசங்களில் பகற்காலமும் இராக்காலமும் உண்டாகாதபடிக்கு, நீங்கள் பகற்காலத்தைக்குறித்து நான் பண்ணின உடன்படிக்கையையும், இராக்காலத்தைக்குறித்து நான் உண்டாக்கின உடன்படிக்கையையும் அவமாக்கினால்,

21. அப்பொழுது என் தாசனாகிய தாவீதோடே நான் பண்ணின உடன்படிக்கையும், அவன் சிங்காசனத்தில் அரசாளும் குமாரன் அவனுக்கு இல்லாமற்போகும்படியாக அவமாகும்; என் ஊழியக்காரராகிய லேவியரோடும் ஆசாரியரோடும் நான் பண்ணின உடன்படிக்கையும் அப்பொழுது அவமாகும்.

22. வானத்து நட்சத்திரங்கள் எண்ணப்படாததும் கடற்கரை மணல் அளக்கப்படாததுமாயிருக்கிறதுபோல, நான் என் தாசனாகிய தாவீதின் சந்ததியையும் எனக்கு ஊழியஞ்செய்கிற லேவியரையும் வர்த்திக்கப்பண்ணுவேன் என்று கர்த்தர் சொல்லுகிறார் என்றார்.(எரேமியா:33:17-22).

சாலொமோன்-ஐ குறித்து கீழ்கண்டவரும் குறிப்பிடுகிறார்,

12. உன் நாட்கள் நிறைவேறி, நீ உன் பிதாக்களோடே நித்திரைபண்ணும்போது, நான் உனக்குப்பின்பு உன் கர்ப்பப்பிறப்பாகிய உன் சந்ததியை எழும்பப்பண்ணி, அவன் ராஜ்யத்தை நிலைப்படுத்துவேன்.

13. அவன் என் நாமத்திற்கென்று ஒரு ஆலயத்தைக் கட்டுவான்; அவன் ராஜ்யபாரத்தின் சிங்காசனத்தை என்றைக்கும் நிலைக்கப்பண்ணுவேன்.

14. நான் அவனுக்குப் பிதாவாயிருப்பேன், அவன் எனக்குக் குமாரனாயிருப்பான்; அவன் அக்கிரமம் செய்தால், நான் அவனை மனுஷருடைய மிலாற்றினாலும் மனுபுத்திரருடைய அடிகளினாலும் தண்டிப்பேன்.

15. உனக்கு முன்பாக நான் தள்ளிவிட்ட சவுலிடத்திலிருந்து என் கிருபையை விலக்கினதுபோல அவனைவிட்டு விலக்கமாட்டேன்.

16. உன் வீடும், உன் ராஜ்யமும், என்றென்றைக்கும் உனக்கு முன்பாக ஸ்திரப்பட்டிருக்கும்; உன் ராஜாசனம் என்றென்றைக்கும் நிலைபெற்றிருக்கும் என்கிறார் என்று சொல்லச்சொன்னார்.(2சாமு:7:12-16).

இதைப்பற்றி மேலும் பார்க்க:1நாளா:17:11-14 மற்றும் 2நாளா:7:17-18

5. கர்த்தர் எனக்கு அநேகம் குமாரரைத் தந்தருளினார்; ஆனாலும் இஸ்ரவேலை ஆளும் கர்த்தருடைய ராஜ்யபாரத்தின் சிங்காசனத்தின்மேல் உட்காருகிறதற்கு அவர் என்னுடைய எல்லாக் குமாரரிலும் என் குமாரனாகிய சாலொமோனைத் தெரிந்துகொண்டு,

6. அவர் என்னை நோக்கி: உன் குமாரனாகிய சாலொமோனே என் ஆலயத்தையும் என் பிரகாரங்களையும் கட்டக்கடவன்; அவனை எனக்குக் குமாரனாகத் தெரிந்துகொண்டேன்; நான் அவனுக்குப் பிதாவாயிருப்பேன்.

7. இந்நாளில் நடக்கிறபடியே அவன் என் கற்பனைகளின்படியும் என் நியாயங்களின்படியும் செய்ய உறுதியாயிருப்பானானால், அவன் ராஜ்யபாரத்தை என்றென்றைக்கும் திடப்படுத்துவேன் என்றார்.(1நாளா:28:5-7).

மேலும் கூறுகிறார்,

பின்பு தாவீதுராஜா சபையார் எல்லாரையும் நோக்கி: தேவன் தெரிந்துகொண்ட என் குமாரனாகிய சாலொமோன் இன்னும் வாலிபனும் இளைஞனுமாயிருக்கிறான்; செய்யவேண்டிய வேலையோ பெரியது; அது ஒரு மனுஷனுக்கு அல்ல, தேவனாகிய கர்த்தருக்குக் கட்டும் அரமனை.(1நாளா:29:1).

இப்போதும் இன்றைக்கு அதோனியா கொலையுண்பான் என்று என்னைத் திடப்படுத்தினவரும், என்னை என் தகப்பனாகிய தாவீதின் சிங்காசனத்தில் வீற்றிருக்கப்பண்ணி, தாம் சொன்னபடி எனக்கு வீட்டைக்கட்டுவித்தவருமாகிய கர்த்தருடைய ஜீவனைக் கொண்டு சொல்லுகிறேன் என்று சொல்லி, (1இராஜா:2:24).

சாலொமோன் இராஜாவாக வேண்டும்  என்ற கடவுளின் முடிவுக்கு கீழ்ப்படியும் விதமாக மக்கள் இவ்வாறு கூறுகின்றனர்,

24. சகல பிரபுக்களும் பராக்கிரமசாலிகளும் தாவீது ராஜாவினுடைய சகல குமாரருங்கூட ராஜாவாகிய சாலொமோனுக்கு அடங்கியிருந்தார்கள்.(1நாளா29:24).

சவுலை விட்டு  இராஜ்யபாரத்தை விலக்கினது போன்று சாலொமோனிடமிருந்து விளக்க ஒருபோதும் விளக்கமாட்டேன் என்றும் கூட கடவுள் கூறுகிறார்,

14. நான் அவனுக்குப் பிதாவாயிருப்பேன், அவன் எனக்குக் குமாரனாயிருப்பான்; அவன் அக்கிரமம் செய்தால், நான் அவனை மனுஷருடைய மிலாற்றினாலும் மனுபுத்திரருடைய அடிகளினாலும் தண்டிப்பேன்.

15. உனக்கு முன்பாக நான் தள்ளிவிட்ட சவுலிடத்திலிருந்து என் கிருபையை விலக்கினதுபோல அவனைவிட்டு விலக்கமாட்டேன்.(2சாமு:7:14-15).

சவுலிடமிருந்து இராஜ்யபாரத்தை கடவுள் எப்படி எடுத்தார்? சவுல் இறந்த பிறகு அரசாளும் உரிமையும் அவன் குடும்பத்தை விட்டு எடுபட்டு போய் விடுகிறது.சவுலினுடைய மகன்களில் ஒருவனும் ஒருபோதும் அரசாட்சியில் உட்கார்ந்து இருந்தது இல்லை.ஆனால் சாலோமோமனுடைய வம்சத்தில் ஒரு கிளையைத் தவிர மற்ற அனைவரும் சிங்காசனத்தில் அமர்ந்தனர்.கீழ்ப்படியாமைக்கு தண்டனை மனிதர்களிடமிருந்துதான் அவர்களுக்கு வந்தது தவிர சிங்காசனம் அவர்களை விட்டு ஒருபோதும் எடுபட்டு போகவில்லை.அவர்களை விட்டு ஒருபோதும் சிங்காசனம் விலகாது என்பது கடவுள் தாவீதுக்கு கொடுத்த உறுதிமொழி ஆகும்.

© Gerald Sigal

இக்கட்டுரை "jewsforjudaism"என்ற பக்கத்தில் இருந்து இரா.இருதயராஜ்    என்பவரால்  தமிழாக்கம் செய்யப்பட்டது ஆகும்.